TRACTATUS XII. DE PRAECEPTIS ECCLESIAE

1. Praecepta ecclesiae sunt multa, sed principaliora et communiora populo christiano sunt quinque: 1. Sacro interesse diebus dominicis, et festis in tertio praecepto decalogi): 2. ieiunare in quadragesima, vigilis, quatuor temporibus; 3. abstinere a carnibus feria sexta, et sabbato; 4. confiteri saltem semel in anno, et communicare in Paschate; 5. non celebrare nuptias temporibus vetitis, et de hoc agetur in Tract. de matrimonio. Itaque restat hic agendum de 2. 3. et 4. praeceptis. In 1. capite erit sermo de ieiunio, et hic etiam agetur de abstinentia a carnibus; in 2. capite de confessione et communione annuali.