- 557 -
CAPUT III. DE IRREGULARITATE
PUNCTUM I. Quid et quotuplex sit
irregularitas.
72. Definitio.
73. An irregularitas sit censura.
74. Divisiones irregularitatis.
72. Irregularitas, licet non esset
censura, quia tamen cum ea valde assimilatur, ei propterea annectitur; et
definitur: Est impedimentum canonicum susceptionem Ordinum sacrorum, et
susceptorum usum impediens. Itaque irregularis non potest Ordinem
suscipere, nec susceptum exercere.
73. Quaeritur an
irregularitas sit censura? Affirmant Sot. Bon. Covar. et multi alii, dicentes
essentiam censurae, nempe esse poenam ecclesiasticam, aeque competere censurae,
et irregularitati. Alii autem communius, et probabilius, ut Suar. Bon. Castr.
et Salm. cum aliis apud ipsos, id negant, dicendo esse illam impedimentum, sive
inhabilitatem; et probant ex cap. Quaerenti, de Verbor. signif. ubi
interrogatus Innoc. III. quid intelligendum nomine censurae? respondit: Quod
per eam non solum interdicti, sed etiam suspensionis, et excommunicationis
sententia valeat intelligi. Igitur praeter has tres, nulla alia
poena dici potest censura5. Et licet sit poena, non est tamen
medicinalis, nempe ad impedienda peccata futura; nam haec imponitur ob peccata
praeterita, et est poena mere punitiva.
74.
Dividitur irregularitas in eam quae provenit ex delicto, et eam quae
provenit ex defectu. item in totalem, quae omni Ordine
suscipiendo, et
- 558 -
suscepti
exercitio privat; et partialem, quae tantum aliquo Ordinis ministerio,
vel solo ascensu ad Ordines superiores privat; v. g. si sacerdos esset manu
carens, vel coecus, esset inhabilis ad celebrandum, sed posset excipere
confessiones.
|