4.Filwaqt li l-pellegrinaġġ ġubilari tiegħi jasal fit-tmiem, jien nafda solennement il-popli tal-postijiet li żort fil-ħarsien mimli mħabba ta’Alla l-għoli. Fil-postijiet marbuta mal-anniversarju tal-elfejn sena mit-twelid tas-salvatur jien ittamajt u tlabt għal tiġdid qawwi tal-fidi fost l-insara. Xtaqt li nqawwi lil kull min jemmen u lill-popli ta’ rieda tajba biex jiddefendu l-ħajja, iġibu ‘l quddiem ir-rispett lejn id-dinjità ta’ kull bniedem, iħarsu l-familja minn tant theddid ta’ kuljum, jiftħu qalbhom għall-fqar u l-imġarbin tad-dinja, u jaħdmu għal ordni internazzjonali mibni fuq ir-rispett lejn l-ordni legali u fuq is-solidarjetà ma’ l-inqas ixxurtjati.

Dan huwa wkoll ix-xogħol u l-idejal li nħalli lilkom, għażiż poplu Malti.

Fl-atti ta’ l-appostli, San Luqa jikteb li l-Maltin “taw lil San Pawl u lil sħabuh minn kull xorta ta’ ġid u meta ghumah ġew biex jitilqu, għabbew fuq il-ġifen kull ma ghumah kienu jeħtieġu” (atti 28,10). Spiritwalment jien kelli wkoll l-istess esperjenza, u ser nitlaq waqt li nfaħħar lil alla f’qalbi għalikom ilkoll.

Grazzi, Malta.

Il-bambin iberikkom ilkoll! Jalla l-mulej iberikkom!