HYMN 42

saM pUSannadhvanastira vyaMho vimuco napAt
sakSvA devapra Nas puraH
yo naH pUSannagho vRko duHsheva Adideshati
apa sma tampatho jahi
apa tyaM paripanthinaM muSIvANaM hurashcitam
dUramadhisruteraja
tvaM tasya dvayAvino.aghashaMsasya kasya cit
padAbhi tiSTha tapuSim
A tat te dasra mantumaH pUSannavo vRNImahe
yena pitR^InacodayaH
adhA no vishvasaubhaga hiraNyavAshImattama
dhanAni suSaNA kRdhi
ati naH sashcato naya sugA naH supathA kRNu
pUSannihakratuM vidaH
abhi sUyavasaM naya na navajvAro adhvane
pU...
shagdhi pUrdhi pra yaMsi ca shishIhi prAsyudaram
pU...
na pUSaNaM methAmasi sUktairabhi gRNImasi
vasUni dasmamImahe