HYMN 94

imaM stomamarhate jAtavedase rathamiva saM mahemA manISayA
bhadrA hi naH pramatirasya saMsadyagne sakhye mA riSAmA vayaM tava
yasmai tvamAyajase sa sAdhatyanarvA kSeti dadhate suvIryam
sa tUtAva nainamashnotyaMhatiragne ...
shakema tvA samidhaM sAdhayA dhiyastve devA haviradantyAhutam
tvamAdityAnA vaha tAn hyushmasyagne ...
bharAmedhmaM kRNavAmA havIMSi te citayantaH parvaNA\-parvaNA vayam
jIvAtave prataraM sAdhayA dhiyo.agne ...
vishAM gopA asya caranti jantavo dvipacca yaduta catuSpadaktubhiH
citraH praketa uSaso mahAnasya agne ...
tvamadhvaryuruta hotAsi pUrvyaH prashAstA potA januSA purohitaH
vishvA vidvAnArtvijyA dhIra puSyasyagne .. .
yo vishvataH supratIkaH sadRMM asi dUre cit san taLidivAti rocase
rAtryAshcidandho ati deva pashyasyagne ...
pUrvo devA bhavatu sunvato ratho.asmAkaM shaMso abhyastu dUDhyaH
tadA jAnItota puSyatA vaco.agne ...
vadhairduHshaMsAnapa dUDhyo jahi dUre vA ye anti vA ke cidatriNaH
athA yajñAya gRNate sugaM kRdhyagne ...
yadayukthA aruSA rohitA rathe vAtajUtA vRSabhasyeva teravaH
Adinvasi vanino dhUmaketunAgne ...
adha svanAduta bibhyuH patatriNo drapsA yat te yavasAdo vyasthiran
sugaM tat te tAvakebhyo rathebhyo.agne ...
ayaM mitrasya varuNasya dhAyase.avayAtAM marutAM heLo adbhutaH
mRLA su no bhUtveSAM manaH punaragne ...
devo devAnAmasi mitro adbhuto vasurvasUnAmasi cAruradhvare
sharman syAma tava saprathastame.agne ...
tat te bhadraM yat samiddhaH sve dame somAhuto jarase mRLayattamaH
dadhAsi ratnaM draviNaM ca dAshuSe.agne ...
yasmai tvaM sudraviNo dadAsho.anAgAstvamadite sarvatAtA
yaM bhadreNa shavasA codayAsi prajAvatA rAdhasA te syAma
sa tvamagne saubhagatvasya vidvAnasmAkamAyuH pra tirehadeva
tan no mitro varuNo mAmahantAmaditiH sindhuH pRthivI uta dyauH