HYMN 108

ya indrAgnI citratamo ratho vAmabhi vishvAni bhuvanAni caSTe
tenA yAtaM sarathaM tasthivAMsAthA somasya pibataM sutasya
yAvadidaM bhuvanaM vishvamastyuruvyacA varimatA gabhIram
tAvAnayaM pAtave somo astvaramindrAgnI manase yuvabhyAm
cakrAthe hi sadhryaM nAma bhadraM sadhrIcInA vRtrahaNAuta sthaH
tAvindrAgnI sadhryañcA niSadyA vRSNaH somasya vRSaNA vRSethAm
samiddheSvagniSvAnajAnA yatasrucA barhiru tistirANA
tIvraiH somaiH pariSiktebhirarvAgendrAgnI saumanasAya yAtam
yAnIndrAgnI cakrathurvIryANi yAni rUpANyuta vRSNyAni
yA vAM pratnAni sakhyA shivAni tebhiH somasya pibataM sutasya
yadabravaM prathamaM vAM vRNAno.ayaM somo asurairno vihavyaH
tAM satyAM shraddhAmabhyA hi yAtamathA somasya pibataM sutasya
yadindrAgnI madathaH sve duroNe yad brahmaNi rAjani vAyajatrA
ataH pari vRSaNAvA hi yAtamathA somasya pibataM sutasya
yadindrAgnI yaduSu turvasheSu yad druhyuSvanuSu pUruSu sthaH
ataH ...
yadindrAgnI avamasyAM pRthivyAM madhyamasyAM paramasyAmuta sthaH
ataH ...
yadindrAgnI paramasyAM pRthivyAM madhyamasyAmavamasyAmuta sthaH
ataH ...
yadindrAgnI divi STho yat pRthivyAM yat parvateSvoSadhISvapsu
ataH ...
yadindrAgnI uditA sUryasya madhye divaH svadhayA mAdayethe
ataH ...
evendrAgnI papivAMsA sutasya vishvAsmabhyaM saM jayatandhanAni
tan no ...