HYMN 130

endra yAhyupa naH parAvato nAyamachA vidathAnIva satpatirastaM rAjeva satpatiH | havAmahe tvA vayaM prayasvantaH sute sacA
putrAso na pitaraM vAjasAtaye maMhiSThaM vAjasAtaye
pibA somamindra suvAnamadribhiH koshena siktamavataM navaMsagastAtRSANo na vaMsagaH | madAya haryataya te tuviSTamAya dhAyase
A tvA yachantu harito na sUryamahAvishveva sUryam
avindad divo nihitaM guhA nidhiM verna garbhaM parivItamashmanyanante antarashmani | vrajaM vajri": gavAmiva siSAsannaN^girastamaH
apAvRNodiSa indraH parIvRtA dvAra iSaH parIvRtAH
dAdRhANo vajramindro gabhastyoH kSadmeva tigmamasanAyasaM shyadahihatyAya saM shyat | saMvivyAna ojasA shavobhirindra majmanA
taSTeva vRkSaM vanino ni vRshcasi parashveva ni vRshcasi
tvaM vRthA nadya indra sartave.achA samudramasRjo rathAniva vAjayato rathAniva | ita UtIrayuñjata samAnamarthamakSitam
dhenUriva manave vishvadohaso janAya vishvadohasaH
imAM te vAcaM vasUyanta Ayavo rathaM na dhIraH svapAatakSiSuH sumnAya tvAmatakSiSuH | shumbhanto jenyaM yathA vAjeSu vipra vAjinam
atyamiva shavase sAtaye dhanA vishvA dhanAni sAtaye
bhinat puro navatimindra pUrave divodAsAya mahi dAshuSe nRto vajreNa dAshuSe nRto | atithigvAya shambaraM girerugroavAbharat
maho dhanAni dayamAna ojasA vishvA dhanAnyojasA
indraH samatsu yajamAnamAryaM prAvad vishveSu shatamUtirAjiSu svarmILheSvAjiSu | manave shAsadavratAn tvacaM kRSNAmarandhayat
dakSan na vishvaM tatRSANamoSatinyarshasAnamoSati
sUrashcakraM pra vRhajjAta ojasA prapitve vAcamaruNo muSAyatIshAna A muSAyati | ushanA yat parAvato.ajagannUtaye kave
sumnAni vishvA manuSeva turvaNirahA vishvevaturvaNiH
sa no navyebhirvRSakarmannukthaiH purAM dartaH pAyubhiHpAhi shagmaiH
divodAsebhirindra stavAno vAvRdhIthA ahobhiriva dyauH