Table of Contents | Words: Alphabetical - Frequency - Inverse - Length - Statistics | Help | IntraText Library

Rig Veda (Sanskrit)
IntraText CT - Text
  • Book 1
    • HYMN 151
Previous - Next
Click here to hide the links to concordance

HYMN 151


mitraM na yaM shimyA goSu gavyavaH svAdhyo vidathe apsujIjanan
arejetAM rodasI pAjasA girA prati priyaM yajataM januSamavaH
yad dha tyad vAM purumILhasya sominaH pra mitrAso na dadhire svAbhuvaH
adha kratuM vidataM gatumarcata uta shrutaM vRSaNA pastyAvataH
A vAM bhUSan kSitayo janma rodasyoH pravAcyaM vRSaNA dakSase mahe
yadIM RtAya bharatho yadarvate pra hotrayA shimya vItho adhvaram
pra sA kSitirasura yA mahi priya RtAvAnAv RtamA ghoSatho bRhat
yuvaM divo bRhato dakSamabhuvaM gAM na dhuryupa yuñjAthe apaH
mahI atra mahinA vAraM RNvatho.areNavastuja A sadman dhenavaH
svaranti tA uparatAti sUryamA nimruca uSasastakvavIriva
A vaM RtAya keshinIranuSata mitra yatra varuNa gAtumarcathaH
ava tmana sRjataM pinvataM dhiyo yuvaM viprasya manmanamirajyathaH
yo vAM yajñaiH shashamAno ha dAshati kavirhotA yajati manmasAdhanaH
upAha taM gachatho vItho adhvaramachA giraH sumatiM gantamasmayu
yuvAM yajñaiH prathamA gobhirañjata RtAvanA manaso naprayuktiSu
bharanti vAM manmanA saMyatA giro.adRpyatA manasa revadashAthe
revad vayo dadhAthe revadAshathe narA mayAbhiritauti mahinam
na vaM dyAvo.ahabhirnota sindhavo na devatvaM paNayo nAnashurmagham

 



Previous - Next
Table of Contents | Words: Alphabetical - Frequency - Inverse - Length - Statistics | Help | IntraText Library
Best viewed with any browser at 800x600 or 768x1024 on Tablet PC
IntraText® (V89) - Some rights reserved by EuloTech SRL - 1996-2007. Content in this page is licensed under a Creative Commons License