Table of Contents | Words: Alphabetical - Frequency - Inverse - Length - Statistics | Help | IntraText Library

Rig Veda (Sanskrit)
IntraText CT - Text
  • Book 1
    • HYMN 5
Previous - Next
Click here to hide the links to concordance

HYMN 5


A tvetA ni SIdatendramabhi pra gAyata
sakhAya stomavAhasaH
purUtamaM purUNAmIshAnaM vAryANAm
indraM some sacA sute
sa ghA no yoga A bhuvat sa rAye sa purandhyAm
gamad vAjebhirA sa naH
yasya saMsthe na vRNvate harI samatsu shatravaH
tasmA indrAya gAyata
sutapAvne sutA ime shucayo yanti vItaye
somAso dadhyAshiraH
tvaM sutasya pItaye sadyo vRddho ajAyathAH
indra jyaiSThyAya sukrato
A tvA vishantvAshavaH somAsa indra girvaNaH
shaM te santu pracetase
tvAM stomA avIvRdhan tvAmukthA shatakrato
tvAM vardhantu no giraH
akSitotiH sanedimaM vAjamindraH sahasriNam
yasmin vishvAni pauMsyA
mA no martA abhi druhan tanUnAmindra girvaNaH
IshAno yavayA vadham

 



Previous - Next
Table of Contents | Words: Alphabetical - Frequency - Inverse - Length - Statistics | Help | IntraText Library
Best viewed with any browser at 800x600 or 768x1024 on Tablet PC
IntraText® (V89) - Some rights reserved by EuloTech SRL - 1996-2007. Content in this page is licensed under a Creative Commons License