HYMN 185

katarA pUrvA katarAparAyoH kathA jAte kavayaH ko vi veda
vishvaM tmanA bibhRto yad dha nAma vi vartete ahanI cakriyeva
bhUriM dve acarantI carantaM padvantaM garbhamapadI dadhAte
nityaM na sUnuM pitrorupasthe dyAvA rakSataM pRthivI no abhvAt
aneho dAtramaditeranarvaM huve svarvadavadhaM namasvat
tad rodasI janayataM jaritre dyAvA ...
atapyamAne avasAvantI anu SyAma rodasI devaputre
ubhe devAnAmubhayebhirahnAM dyAvA ...
saMgachamAne yuvatI samante svasArA jAmI pitrorupasthe
abhijighrantI bhuvanasya nAbhiM dyAvA ...
urvI sadmanI bRhatI Rtena huve devAnAmavasA janitrI
dadhAte ye amRtaM supratIke dyAvA ...
urvI pRthvI bahule dUreante upa bruve namasA yajñe asmin
dadhAte ye subhage supratUrtI dyAvA ...
devAn vA yaccakRmA kaccidAgaH sakhAyaM vA sadamijjAspatiM vA
iyaM dhIrbhUyA avayAnameSAM dyAvA .. .
ubhA shaMsA naryA mAmaviSTAmubhe mAmUtI avasA sacetAm
bhUri cidaryaH sudAstarAyeSA madanta iSayema devAH
RtaM dive tadavocaM pRthivyA abhishrAvAya prathamaM sumedhAH
pAtAmavadyAd duritAdabhIke pitA mAtA ca rakSatAmavobhiH
idaM dyAvApRthivI satyamastu pitarmAtaryadihopabruve vAm
bhUtaM devAnAmavame avobhirvidyA...