HYMN 29

imA gira Adityebhyo ghRtasnUH sanAd rAjabhyo juhvA juhomi
shRNotu mitro aryamA bhago nastuvijAto varuNo dakSo aMshaH
imaM stomaM sakratavo me adya mitro aryamA varuNo juSanta
AdityAsaH shucayo dhArapUtA avRjinA anavadyA ariSTAH
ta AdityAsa uravo gabhIrA adabdhAso dipsanto bhUryakSAH
antaH pashyanti vRjinota sAdhu sarvaM rAjabhyaH paramA cidanti
dhArayanta AdityAso jagat sthA devA vishvasya bhuvanasya gopAH
dIrghAdhiyo rakSamANA asuryaM RtAvAnashcayamAnA RNAni
vidyAmAdityA avaso vo asya yadaryaman bhaya A cin mayobhu
yuSmAkaM mitrAvaruNA praNItau pari shvabhreva duritAnivRjyAm
sugo hi vo aryaman mitra panthA anRkSaro varuNa sAdhurasti
tenAdityA adhi vocatA no yachatA no duSparihantu sharma
pipartu no aditI rAjaputrAti dveSAMsyaryamA sugebhiH
bRhan mitrasya varuNasya sharmopa syAma puruvIrA ariSTAH
tisro bhUmIrdhArayan trInruta dyUn trINi vratA vidathe antareSAm
RtenAdityA mahi vo mahitvaM tadaryaman varuNa mitra cAru
trI rocanA divyA dhArayanta hiraNyayAH shucayo dhArapUtAH
asvapnajo animiSA adabdhA urushaMsA Rjave martyAya
tvaM vishveSAM varuNAsi rAjA ye ca devA asura ye ca martAH
shataM no rAsva sharado vicakSe.acyAmAyUMSi sudhitAni pUrvA
na dakSiNA vi cikite na savyA na prAcInamAdityA notapashcA
pAkyA cid vasavo dhIryA cid yuSmAnIto abhayaMjyotirashyAm
yo rAjabhya Rtanibhyo dadAsha yaM vardhayanti puSTayashcanityAH
sa revAn yAti prathamo rathena vasudAvA vidatheSu prashastaH
shucirapaH sUyavasA adabdha upa kSeti vRddhavayAH suvIraH
nakiS TaM ghnantyantito na dUrAd ya AdityAnAM bhavati praNItau
adite mitra varuNota mRLa yad vo vayaM cakRmA kaccidAgaH
urvashyAmabhayaM jyotirindra mA no dIrghA abhi nashan tamisrAH
ubhe asmai pIpayataH samIcI divo vRSTiM subhago nAma puSyan
ubhA kSayAvAjayan yAti pRtsUbhAvardhau bhavataH sAdhU asmai
yA vo mAyA abhidruhe yajatrAH pAshA AdityA ripave vicRttAH
ashvIva tAnati yeSaM rathenAriSTA urAvA sharman syAma
mAhaM maghono varuNa priyasya bhUridAvna A vidaM shUnamApeH
mA rAyo rAjan suyamAdava sthAM bRhad vadema ...