HYMN 45

vAyo ye te sahasriNo rathAsastebhirA gahi
niyutvAn somapItaye
niyutvAn vAyavA gahyayaM shukro ayAmi te
gantAsi sunvato gRham
shukrasyAdya gavAshira indravAyU niyutvataH
A yAtaM pibataM narA
ayaM vAM mitrAvaruNA sutaH soma RtAvRdhA
mamediha shrutaM havam
rAjAnAvanabhidruhA dhruve sadasyuttame
sahasrasthUNa AsAte
tA samrAjA ghRtAsutI AdityA dAnunas patI
sacete anavahvaram
gomadU Su nAsatyAshvAvad yAtamashvinA
vartI rudrA nRpAyyam
na yat paro nAntara AdadharSad vRSaNvasU
duHshaMso martyo ripuH
tA na A voLhamashvinA rayiM pishaN^gasandRsham
dhiSnyAvarivovidam
indro aN^ga mahad bhayamabhI Sadapa cucyavat
sa hi sthiro vicarSaNiH
indrashca mRLayAti no na naH pashcAdaghaM nashat
bhadraM bhavAti naH puraH
indra AshAbhyas pari sarvAbhyo abhayaM karat
jetA shatrUn vicarshaNiH
vishve devAsa A gata shRNutA ma imaM havam
edaM barhirni SIdata
tIvro vo madhumAnayaM shunahotreSu matsaraH
etaM pibatakAmyam
indrajyeSThA ...