HYMN 8

añjanti tvAmadhvare devayanto vanaspate madhunA daivyena
yadUrdhvastiSThA draviNeha dhattAd yad vA kSayo mAturasyA upasthe
samiddhasya shrayamANaH purastAd brahma vanvAno ajaraM suvIram
Are asmadamatiM bAdhamAna ucchrayasva mahate saubhagAya
ucchrayasva vanaspate varSman pRthivyA adhi
sumitI mIyamAno varco dhA yajñavAhase
yuvA suvAsAH parivIta AgAt sa u shreyAn bhavati jAyamAnaH
taM dhIrAsaH kavaya un nayanti svAdhyo manasA devayantaH
jAto jAyate sudinatve ahnAM samarya A vidathe vardhamAnaH
punanti dhIrA apaso manISA devayA vipra udiyarti vAcam
yAn vo naro devayanto nimimyurvanaspate svadhitirvA tatakSa
te devAsaH svaravastasthivAMsaH prajAvadasme didhiSantu ratnam
ye vRkNAso adhi kSami nimitAso yatasrucaH
te no vyantu vAryaM devatrA kSetrasAdhasaH
AdityA rudrA vasavaH sunIthA dyAvAkSAmA pRthivI antarikSam
sajoSaso yajñamavantu devA UrdhvaM kRNvantvadhvarasya ketum
haMsA iva shreNisho yatAnAH shukrA vasAnAH svaravo naAguH
unnIyamAnAH kavibhiH purastAd devA devAnAmapi yanti pAthaH
shRN^gANIvecchRN^giNAM saM dadRshre caSAlavantaH svaravaH pRthivyAm
vAghadbhirvA vihave shroSamANA asmAnavantu pRtanAjyeSu
vanaspate shatavalsho vi roha sahasravalshA vi vayaM ruhema
yaM tvAmayaM svadhitistejamAnaH praNinAya mahate saubhagAya