HYMN 7

indramid gAthino bRhadindramarkebhirarkiNaH
indraM vANIranUSata
indra id dharyoH sacA sammishla A vacoyujA
indro vajrIhiraNyayaH
indro dIrghAya cakSasa A sUryaM rohayad divi
vi gobhiradrimairayat
indra vAjeSu no.ava sahasrapradhaneSu ca
ugra ugrAbhirUtibhiH
indraM vayaM mahAdhana indramarbhe havAmahe
yujaM vRtreSu vajriNam
sa no vRSannamuM caruM satrAdAvannapA vRdhi
asmabhyamapratiSkutaH
tuñje\-tuñje ya uttare stomA indrasya vajriNaH
na vindheasya suSTutim
vRSA yUtheva vaMsagaH kRSTIriyartyojasA
IshAno apratiSkutaH
ya ekashcarSaNInAM vasUnAmirajyati
indraH pañca ksitInAm
indraM vo vishvatas pari havAmahe janebhyaH
asmAkamastu kevalaH