HYMN 9

indrehi matsyandhaso vishvebhiH somaparvabhiH
mahAnabhiSTirojasA
emenaM sRjatA sute mandimindrAya mandine
cakriM vishvAni cakraye
matsvA sushipra mandibhiH stomebhirvishvacarSaNe
sacaiSusavaneSvA
asRgramindra te giraH prati tvAmudahAsata
ajoSA vRSabhaM patim
saM codaya citramarvAg rAdha indra vareNyam
asadit te vibhu prabhu
asmAn su tatra codayendra rAye rabhasvataH
tuvidyumna yashasvataH
saM gomadindra vAjavadasme pRthu shravo bRhat
vishvAyurdhehyakSitam
asme dhehi shravo bRhad dyumnaM sahasrasAtamam
indra tA rathinIriSaH
vasorindraM vasupatiM gIrbhirgRNanta Rgmiyam
homa gantAramUtaye
sute\-sute nyokase bRhad bRhata edariH
indrAya shUSamarcati