Table of Contents | Words: Alphabetical - Frequency - Inverse - Length - Statistics | Help | IntraText Library

Rig Veda (Sanskrit)
IntraText CT - Text
  • Book 5
    • HYMN 63
Previous - Next
Click here to hide the links to concordance

HYMN 63


Rtasya gopAv adhi tiSThatho rathaM satyadharmANA parame vyomani |
yam atra mitrAvaruNAvatho yuvaM tasmai vRSTir madhumat pinvate divaH ||
samrAjAv asya bhuvanasya rAjatho mitrAvaruNA vidathe svardRshA |
vRSTiM vAM rAdho amRtatvam Imahe dyAvApRthivI vi caranti tanyavaH ||
samrAjA ugrA vRSabhA divas patI pRthivyA mitrAvaruNA vicarSaNI |
citrebhir abhrair upa tiSThatho ravaM dyAM varSayatho asurasya mAyayA ||
mAyA vAm mitrAvaruNA divi shritA sUryo jyotish carati citram Ayudham |
tam abhreNa vRSTyA gUhatho divi parjanya drapsA madhumanta Irate ||
rathaM yuñjate marutaH shubhe sukhaM shUro na mitrAvaruNA gaviSTiSu |
rajAMsi citrA vi caranti tanyavo divaH samrAjA payasA na ukSatam ||
vAcaM su mitrAvaruNAv irAvatIm parjanyash citrAM vadati tviSImatIm |
abhrA vasata marutaH su mAyayA dyAM varSayatam aruNAm arepasam ||
dharmaNA mitrAvaruNA vipashcitA vratA rakSethe asurasya mAyayA |
Rtena vishvam bhuvanaM vi rAjathaH sUryam A dhattho divi citryaM ratham ||

 



Previous - Next
Table of Contents | Words: Alphabetical - Frequency - Inverse - Length - Statistics | Help | IntraText Library
Best viewed with any browser at 800x600 or 768x1024 on Tablet PC
IntraText® (V89) - Some rights reserved by EuloTech SRL - 1996-2007. Content in this page is licensed under a Creative Commons License