HYMN 86

indrAgnI yam avatha ubhA vAjeSu martyam |
dRLhA cit sa pra bhedati dyumnA vANIr iva tritaH ||
yA pRtanAsu duSTarA yA vAjeSu shravAyyA |
yA pañca carSaNIr abhR^IndrAgnI tA havAmahe ||
tayor id amavac chavas tigmA didyun maghonoH |
prati druNA gabhastyor gavAM vRtraghna eSate ||
tA vAm eSe rathAnAm indrAgnI havAmahe |
patI turasya rAdhaso vidvAMsA girvaNastamA ||
tA vRdhantAv anu dyUn martAya devAv adabhA |
arhantA cit puro dadhe 'Msheva devAv arvate ||
evendrAgnibhyAm ahAvi havyaM shUSyaM ghRtaM na pUtam adribhiH |
tA sUriSu shravo bRhad rayiM gRNatsu didhRtam iSaM gRNatsu didhRtam ||