Book 6

HYMN 1

tvaM hyagne prathamo manotAsyA dhiyo abhavo dasma hotA
tvaM sIM vRSannakRNorduSTarItu saho vishvasmai sahase sahadhyai
adhA hotA nyasIdo yajIyAniLas pada iSayannIDyaH san
taM tvA naraH prathamaM devayanto maho rAye citayanto anu gman
vRteva yantaM bahubhirvasavyaistve rayiM jAgRvAMso anu gman
rushantamagniM darshataM bRhantaM vapAvantaM vishvahA dIdivAMsam
padaM devasya namasA vyantaH shravasyavaH shrava ApannamRktam
nAmAni cid dadhire yajñiyAni bhadrAyAM te raNayantasandRSTau
tvAM vardhanti kSitayaH pRthivyAM tvAM rAya ubhayAso janAnAm
tvaM trAtA taraNe cetyo bhUH pitA mAtA sadamin mAnuSANAm
saparyeNyaH sa priyo vikSvagnirhotA mandro ni SasAdA yajIyAn
taM tvA vayaM dama A dIdivAMsamupa jñubAdho namasA sadema
taM tvA vayaM sudhyo navyamagne\-sumnAyava Imahe devayantaH
tvaM visho anayo dIdyAno divo agne bRhatA rocanena
vishAM kaviM vishpatiM shashvatInAM nitoshanaM vRSabhaM carSaNInAm
pretISaNimiSayantaM pAvakaM rAjantamagniM yajataM rayINAm
so agna Ije shashame ca marto yasta AnaT samidhA havyadAtim
ya AhutiM pari vedA namobhirvishvet sa vAmA dadhatetvotaH
asmA u te mahi mahe vidhema namobhiragne samidhota havyaiH
vedI sUno sahaso gIrbhirukthairA te bhadrAyAM sumatauyatema
A yastatantha rodasI vi bhAsA shravobhishca shravasyastarutraH
bRhadbhirvAjai sthavirebhirasme revadbhiragne vitaraM vi bhAhi
nRvad vaso sadamid dhehyasme bhUri tokAya tanayAya pashvaH
pUrvIriSo bRhatIrAreaghA asme bhadrA saushravasAni santu
purUNyagne purudhA tvAyA vasUni rAjan vasutA te ashyAm
purUNi hi tve puruvAra santyagne vasu vidhate rAjani tve