HYMN 13

susamiddho na A vaha devAnagne haviSmate
hotaH pAvaka yakSi ca
madhumantaM tanUnapAd yajñaM deveSu naH kave
adyA kRNuhi vItaye
narAshaMsamiha priyamasmin yajña upa hvaye
madhujihvaMhaviSkRtam
agne sukhatame rathe devAnILita A vaha
asi hotA manurhitaH
stRNIta barhirAnuSag ghRtapRSThaM manISiNaH
yatrAmRtasya cakSaNam
vi shrayantAM RtAvRdho dvAro devIrasashcataH
adyA nUnaM ca yaSTave
naktoSAsA supeshasAsmin yajña upa hvaye
idaM no barhirAsade
tA sujihvA upa hvaye hotArA daivyA kavI
yajñaM no yakSatAmimam
iLA sarasvatI mahI tisro devIrmayobhuvaH
barhiH sIdantvasridhaH
iha tvaSTAramagriyaM vishvarUpamupa hvaye
asmAkamastukevalaH
ava sRjA vanaspate deva devebhyo haviH
pra dAturastu cetanam
svAhA yajñaM kRNotanendrAya yajvano gRhe
tatra devAnupa hvaye