Table of Contents | Words: Alphabetical - Frequency - Inverse - Length - Statistics | Help | IntraText Library

Rig Veda (Sanskrit)
IntraText CT - Text
  • Book 6
    • HYMN 77
Previous - Next
Click here to hide the links to concordance

HYMN 77


saM vAM karmaNA samiSA hinomIndrAviSNU apasas pareasya
juSethAM yajñaM draviNaM ca dhattamariSTairnaH pathibhiH pArayantA
yA vishvAsAM janitarA matInAmindrAviSNU kalashA somadhAnA
pra vAM giraH shasyamAnA avantu pra stomAso gIyamAnAso arkaiH
indrAviSNU madapatI madAnAmA somaM yAtaM draviNo dadhAnA
saM vAmañjantvaktubhirmatInAM saM stomAsaH shasyamAnAsa ukthaiH
A vAmashvAso abhimAtiSAha indrAviSNU sadhamAdo vahantu
juSethAM vishvA havanA matInAmupa brahmANi shRNutaM giro me
indrAviSNU tat panayAyyaM vAM somasya mada uru cakramAthe
akRNutamantarikSaM varIyo.aprathataM jIvase no rajAMsi
indrAviSNU haviSA vAvRdhAnAgrAdvAnA namasA rAtahavyA
ghRtAsutI draviNaM dhattamasme samudraH sthaH kalashaH somadhAnaH
indrAviSNU pibataM madhvo asya somasya dasrA jaTharaM pRNethAm
A vAmandhAMsi madirANyagmannupa brahmANi shRNutaM havaM me
ubhA jigyathurna parA jayethe na parA jigye katarashcanainoH
indrashca viSNo yadapaspRdhethAM tredhA sahasraM vi tadairayethAm

 



Previous - Next
Table of Contents | Words: Alphabetical - Frequency - Inverse - Length - Statistics | Help | IntraText Library
Best viewed with any browser at 800x600 or 768x1024 on Tablet PC
IntraText® (V89) - Some rights reserved by EuloTech SRL - 1996-2007. Content in this page is licensed under a Creative Commons License