HYMN 15

upasadyAya mILhuSa Asye juhutA haviH
yo no nediSThamApyam
yaH pañca carSaNIrabhi niSasAda dame\-dame
kavirgRhapatiryuvA
sa no vedo amAtyamagnI rakSatu vishvataH
utAsmAn pAtvaMhasaH
navaM nu stomamagnaye divaH shyenAya jIjanam
vasvaH kuvid vanAti naH
spArhA yasya shriyo dRshe rayirvIravato yathA
agre yajñasya shocataH
semAM vetu vaSaTkRtimagnirjuSata no giraH
yajiSTho havyavAhanaH
ni tvA nakSya vishpate dyumantaM deva dhImahi
suvIramagna Ahuta
kSapa usrashca dIdihi svagnayastvayA vayam
suvIrastvamasmayuH
upa tvA sAtaye naro viprAso yanti dhItibhiH
upAkSarAsahasriNI
agnI rakSAMsi sedhati shukrashociramartyaH
shuciH pAvaka IDyaH
sa no rAdhAMsyA bhareshAnaH sahaso yaho
bhagashca dAtuvAryam
tvamagne vIravad yasho devashca savitA bhagaH
ditishcadAti vAryam
agne rakSA No aMhasaH prati Sma deva rISataH
tapiSThairajaro daha
adhA mahI na AyasyanAdhRSTo nRpItaye
pUrbhavA shatabhujiH
tvaM naH pAhyaMhaso doSAvastaraghAyataH
divA naktamadAbhya