HYMN 35

shaM na indrAgnI bhavatAmavobhiH shaM na indrAvaruNA rAtahavyA
shamindrAsomA suvitAya shaM yoH shaM na indrApUSaNA vAjasAtau
shaM no bhagaH shamu naH shaMso astu shaM naH purandhiHshamu santu rAyaH
shaM naH satyasya suyamasya shaMsaHshaM no aryamA purujAto astu
shaM no dhAtA shamu dhartA no astu shaM na urUcI bhavatusvadhAbhiH
shaM rodasI bRhatI shaM no adriH shaM nodevAnAM suhavAni santu
shaM no agnirjyotiranIko astu shaM no mitrAvaruNAvashvinA sham
shaM naH sukRtAM sukRtAni santu shaM na iSiroabhi vAtu vAtaH
shaM no dyAvApRthivI pUrvahUtau shamantarikSaM dRshayeno astu
shaM na oSadhIrvanino bhavantu shaM no rajasas patirastu jiSNuH
shaM na indro vasubhirdevo astu shamAdityebhirvaruNaH sushaMsaH
shaM no rudro rudrebhirjalASaH shaM nastvaSTA gnAbhiriha shRNotu
shaM naH somo bhavatu brahma shaM naH shaM no grAvANaHshamu santu yajñAH
shaM naH svarUNAM mitayo bhavantu shaM naH prasvaH shaM vastu vediH
shaM naH sUrya urucakSA udetu shaM nashcatasraH pradisho bhavantu
shaM naH parvatA dhruvayo bhavantu shaM naH sindhavaH shamu santvApaH
shaM no aditirbhavatu vratebhiH shaM no bhavantu marutaH svarkAH
shaM no viSNuH shaM u pUSA no astu shaM no bhavitraM shaM vastu vAyuH
shaM no devaH savitA trAyamANaH shaM no bhavantUSaso vibhAtIH
shaM naH parjanyo bhavatu prajAbhyaH shaM naHkSetrasya patirastu shambhuH
shaM no devA vishvadevA bhavantu shaM sarasvatI saha dhIbhirastu
shamabhiSAcaH shamu rAtiSAcaH shaM no divyAH pArthivAH shaM no apyAH
shaM naH satyasya patayo bhavantu shaM no arvantaH shamu santu gAvaH
shaM na RbhavaH sukRtaH suhastAH shaM no bhavantu pitaro haveSu
shaM no aja ekapAd devo astu shaM no.ahirbudhnyaH shaM samudraH
shaM no apAM napAt perurastu shaM naH pRshnirbhavatu devagopA
AdityA rudrA vasavo juSantedaM brahma kriyamANaM navIyaH
shRNvantu ni divyAH pArthivAso gojAtA uta ye yajñiyAsaH
ye devAnAM yajñiyA yajñiyAnAM manoryajatrA amRtA RtajñAH
te no rAsantAmurugAyamadya yUyaM pAta ...