Table of Contents | Words: Alphabetical - Frequency - Inverse - Length - Statistics | Help | IntraText Library

Rig Veda (Sanskrit)
IntraText CT - Text
  • Book 7
    • HYMN 90
Previous - Next
Click here to hide the links to concordance

HYMN 90


pra vIrayA shucayo dadrire vAmadhvaryubhirmadhumantaH sutAsaH
vaha vAyo niyuto yAhyachA pibA sutasyAndhaso madAya
IshAnAya prahutiM yasta AnaT chuciM somaM shucipAstubhyaM vAyo
kRNoSi taM martyeSu prashastaM jAto\-jAto jAyate vAjyasya
rAye nu yaM jajñatU rodasIme rAye devI dhiSaNA dhAti devam
adha vAyuM niyutaH sashcata svA uta shvetaM vasudhitiM nireke
uchannuSasaH sudinA ariprA uru jyotirvividurdIdhyAnAH
gavyaM cidUrvamushijo vi vavrusteSAmanu pradivaH sasrurApaH
te satyena manasA dIdhyAnAH svena yuktAsaH kratunA vahanti
indravAyU vIravAhaM rathaM vAmIshAnayorabhi pRkSaH sacante
IshAnAso ye dadhate svarNo gobhirashvebhirvasubhirhiraNyaiH
indravAyU sUrayo vishvamAyurarvadbhirvIraiH pRtanAsu sahyuH
arvanto na shravaso bhikSamANA indravAyU suSTutibhirvasiSThAH
vAjayantaH svavase huvema yUyaM pAta ...

 



Previous - Next
Table of Contents | Words: Alphabetical - Frequency - Inverse - Length - Statistics | Help | IntraText Library
Best viewed with any browser at 800x600 or 768x1024 on Tablet PC
IntraText® (V89) - Some rights reserved by EuloTech SRL - 1996-2007. Content in this page is licensed under a Creative Commons License