HYMN 9

A nUnamashvinA yuvaM vatsasya gantamavase
prAsmai yachatamavRkaM pRthu chardiryuyutaM yA arAtayaH
yadantarikSe yad divi yat pañca mAnuSAnanu
nRmNantad dhattamashvinA
ye vAM daMsAMsyashvinA viprAsaH parimAmRshuH
evet kANvasya bodhatam
ayaM vAM gharmo ashvinA stomena pari Sicyate
ayaM somo madhumAn vAjinIvasU yena vRtraM ciketathaH
yadapsu yad vanaspatau yadoSadhISu purudaMsasA kRtam
tena mAviSTamashvinA
yan nAsatyA bhuraNyatho yad vA deva bhiSajyathaH
ayaM vAM vatso matibhirna vindhate haviSmantaM hi gachathaH
A nUnamashvinor{R}SiH stomaM ciketa vAmayA
A somaM madhumattamaM gharmaM siñcAdatharvaNi
A nUnaM raghuvartaniM rathaM tiSThAtho ashvinA
A vAM stomA ime mama nabho na cucyavIrata
yadadya vAM nAsatyokthairAcucyuvImahi
yad vA vANIbhirashvinevet kANvasya bodhatam
yad vAM kakSIvAnuta yad vyashva RSiryad vAM dIrghatamA juhAva
pRthI yad vAM vainyaH sAdaneSvevedato ashvinA cetayethAm
yAtaM chardiSpA uta naH paraspA bhUtaM jagatpA uta nastanUpA
vartistokAya tanayAya yAtam
yadindreNa sarathaM yAtho ashvinA yad vA vAyunA bhavathaH samokasA
yadAdityebhir{R}bhubhiH sajoSasA yad vA viSNorvikramaNeSu tiSThathaH
yadadyAshvinAvahaM huveya vAjasAtaye
yat pRtsu turvaNe sahastacchreSThamashvinoravaH
A nUnaM yAtamashvinemA havyAni vAM hitA
ime somAsoadhi turvashe yadAvime kaNveSu vAmatha
yan nAsatyA parAke arvAke asti bheSajam
tena nUnaM vimadAya pracetasA chardirvatsAya yachatam
abhutsyu pra devyA sAkaM vAcAhamashvinoH
vyAvardevyA matiM vi rAtiM martyebhyaH
pra bodhayoSo ashvinA pra devi sUnRte mahi
pra yajñahotarAnuSak pra madAya shravo bRhat
yaduSo yAsi bhAnunA saM sUryeNa rocase
A hAyamashvino ratho vartiryAti nRpAyyam
yadApItAso aMshavo gAvo na duhra UdhabhiH
yad vA vANIranUSata pra devayanto ashvinA
pra dyumnAya pra shavase pra nRSAhyAya sharmaNe
pra dakSAya pracetasA
yan nUnaM dhIbhirashvinA pituryonA niSIdathaH yad vAsumnebhirukthyA