HYMN 15

taM vabhi pra gAyata puruhUtaM puruSTutam
indraM gIrbhistaviSamA vivAsata
yasya dvibarhaso bRhat saho dAdhAra rodasI
girInrajrAnapaH svarvRSatvanA
sa rAjasi puruSTuta eko vRtrANi jighnase
indra jaitrA shravasyA ca yantave
taM te madaM gRNImasi vRSaNaM pRtsu sAsahim
u lokakRtnumadrivo harishriyam
yena jyotIMSyAyave manave ca viveditha
mandAno asya barhiSo vi rAjasi
tadadyA cit ta ukthino.anu STuvanti pUrvathA
vRSapatnIrapo jayA dive\-dive
tava tyadindriyaM bRhat tava shuSmamuta kratum
vajraM shishAti dhiSaNA vareNyam
tava dyaurindra pauMsyaM pRthivI vardhati shravaH
tvAmApaH parvatAsashca hinvire
tvAM viSNurbRhan kSayo mitro gRNAti varuNaH
tvAMshardho madatyanu mArutam
tvaM vRSA janAnAM maMhiSTha indra jajñiSe
satrA vishvA svapatyAni dadhiSe
satrA tvaM puruSTuta eko vRtrANi toshase
nAnya indrAtkaraNaM bhUya invati
yadindra manmashastvA nAnA havanta Utaye
asmAkebhirnRbhiratrA svarjaya
araM kSayAya no mahe vishvA rUpANyAvishan
indraM jaitrAya harSayA shacIpatim