HYMN 26

yuvoru SU rathaM huve sadhastutyAya suriSu
aturtadakSAvRSaNA vRSaNvasU
yuvaM varo suSAmNe mahe tane nAsatyA
avobhiryatho vRSaNa vRSaNvasU
tA vAmadya havAmahe havyebhirvajinIvasU
pUrvIriSa iSayantAvati kSapaH
A vAM vAhiSTho ashvinA ratho yAtu shruto nara
upa stomAn turasya darshathaH shriye
juhurANA cidashvinA manyethAM vRSaNvasU
yuvaM hi rudrA parSatho ati dviSaH
dasrA hi vishvamAnuSaM makSUbhiH paridIyathaH
dhiyaMjinvA madhuvarNA shubhas patI
upa no yAtamashvinA rAyA vishvapuSA saha
maghavAnA suvIrAvanapacyutA
A me asya pratIvyamindranAsatyA gatam
devA devebhiradya sacanastamA
vayaM hi vAM havAmaha ukSaNyanto vyashvavat
sumatibhirupa viprAvihA gatam
ashvinA sv RSe stuhi kuvit te shravato havam
nedIyasaH kULayAtaH paNInruta
vaiyashvasya shrutaM naroto me asya vedathaH
sajoSasA varuNo mitro aryamA
yuvAdattasya dhiSNyA yuvAnItasya sUribhiH
ahar\-aharvRSaNa mahyaM shikSatam
yo vAM yajñebhirAvRto.adhivastra vadhUriva
saparyanta shubhe cakrAte ashvinA
yo vAmuruvyacastamaM ciketati nRpAyyam
vartirashvinA pari yAtamasmayU
asmabhyaM su vRSaNvasU yAtaM vartirnRpayyam
viSudruheva yajñamUhathurgirA
vAhiSTho vAM havAnAM stomo dUto huvan narA
yuvAbhyAM bhUtvashvinA
yadado divo arNava iSo va madatho gRhe
shrutamin me amartyA
uta syA shvetayAvarI vAhiSThA vAM nadInAm
sindhurhiraNyavartaniH
smadetaya sukIrtyAshvinA shvetayA dhiyA
vahethe shubhrayAvAnA
yukSvA hi tvaM rathAsahA yuvasva poSyA vaso
An no vAyo madhu pibAsmAkaM savanA gahi
tava vAyav Rtaspate tvaSTurjAmAtaradbhuta
avAMsyA vRNImahe
tvaSTurjAmAtaraM vayamIshAnaM rAya Imahe
sutAvanto vayuM dyumnA janAsaH
vAyo yAhi shivA divo vahasva su svashvyam
vahasva mahaHpRthupakSasA rathe
tvAM hi supsarastamaM nRSadaneSu hUmahe
grAvANaM nAshvapRSThaM maMhanA
sa tvaM no deva manasA vAyo mandAno agriyaH
kRdhi vAjAnapo dhiyaH