HYMN 32

pra kRtAny RjISiNaH kaNvA indrasya gAthayA
made somasya vocata
yaH sRbindamanarshaniM pipruM dAsamahIshuvam
vadhIdugro riNannapaH
nyarbudasya viSTapaM varSmANaM bRhatastira
kRSe tadindra pauMsyam
prati shrutAya vo dhRSat tUrNAshaM na gireradhi
huvesushipramUtaye
sa gorashvasya vi vrajaM mandAnaH somyebhyaH
puraM nashUra darSasi
yadi me rAraNaH suta ukthe vA dadhase canaH
ArAdupasvadhA gahi
vayaM ghA te api Smasi stotAra indra girvaNaH
tvaM no jinva somapAH
uta naH pitumA bhara saMrarANo avikSitam
maghavan bhUri te vasu
uta no gomatas kRdhi hiraNyavato ashvinaH
iLAbhiH saM rabhemahi
bRbadukthaM havAmahe sRprakarasnamUtaye
sAdhu kRNvantamavase
yaH saMsthe cicchatakraturAdIM kRNoti vRtrahA
jaritRbhyaH purUvasuH
sa naH shakrashcidA shakad dAnavAnantarAbharaH
indrovishvAbhirUtibhiH
yo rAyo.avanirmahAn supAraH sunvataH sakhA
tamindramabhi gAyata
AyantAraM mahi sthiraM pRtanAsu shravojitam
bhUrerIshAnamojasA
nakirasya shacInAM niyantA sUnRtAnAm
nakirvaktA nadAditi
na nUnaM brahmaNAM RNaM prAshUnAmasti sunvatAm
na somo apratA pape
panya idupa gAyata panya ukthAni shaMsata
brahmA kRNotapanya it
panya A dardiracchatA sahasrA vAjyavRtaH
indro yo yajvano vRdhaH
vi SU cara svadhA anu kRSTInAmanvAhuvaH
indra piba sutAnAm
piba svadhainavAnAmuta yastugrye sacA
utAyamindra yastava
atIhi manyuSAviNaM suSuvAMsamupAraNe
imaM rAtaMsutaM piba
ihi tisraH parAvata ihi pañca janAnati
dhenA indrAvacAkashat
sUryo rashmiM yathA sRjA tvA yachantu me giraH
nimnamApo na sadhryak
adhvaryavA tu hi Siñca somaM vIrAya shipriNe
bharAsutasya pItaye
ya udnaH phaligaM bhinan nyak sindhUnravAsRjat
yo goSupakvaM dhArayat
ahan vRtraM RcISama aurNavAbhamahIshuvam
himenAvidhyadarbudam
pra va ugrAya niSTure.aSALhAya prasakSiNe
devattaM brahma gAyata
yo vishvAnyabhi vratA somasya made andhasaH
indro deveSu cetati
iha tyA sadhamAdyA harI hiraNyakeshyA
voLhAmabhi prayo hitam
arvAñcaM tvA puruSTuta priyamedhastutA harI
somapeyAyavakSataH