HYMN 34

endra yAhi haribhirupa kaNvasya suSTutim
divo amuSya shAsato divaM yaya divAvaso
A tvA grAvA vadanniha somI ghoSeNa yachatu
divo amuSya ...
atrA vi nemireSAmurAM na dhUnute vRkaH
divo amuSya...
A tvA kaNvA ihAvase havante vAjasAtaye
divo amuSya .. .
dadhAmi te sutAnAM vRSNe na pUrvapAyyam
divo amuSya...
smatpurandhirna A gahi vishvatodhIrna Utaye
divo amuSya...
A no yAhi mahemate sahasrote shatAmagha
divo amuSya ...
A tvA hotA manurhito devatrA vakSadIDyaH
divo amuSya ...
A tvA madacyutA harI shyenaM pakSeva vakSataH
divo amuSya ...
A yAhyarya A pari svAhA somasya pItaye
divo amuSya...
A no yAhyupashrutyuktheSu raNayA iha
divo amuSya ...
sarUpairA su no gahi sambhRtaiH sambhRtAshvaH
divo amuSya ...
A yAhi parvatebhyaH samudrasyAdhi viSTapaH
divo amuSya ...
A no gavyAnyashvyA sahasrA shUra dardRhi
divo amuSya .. .
A naH sahasrasho bharAyutAni shatAni ca
divo amuSya ...
A yadindrashca dadvahe sahasraM vasurociSaH
ojiSThamashvyaM pashum
ya RjrA vAtaraMhaso.aruSAso raghuSyadaH
bhrAjante sUryA iva
pArAvatasya rAtiSu dravaccakreSvAshuSu
tiSThaM vanasya madhya A