Table of Contents | Words: Alphabetical - Frequency - Inverse - Length - Statistics | Help | IntraText Library

Rig Veda (Sanskrit)
IntraText CT - Text
  • Book 8
    • HYMN 51
Previous - Next
Click here to hide the links to concordance

HYMN 51


yathA manau sAMvaraNau somamindrApibaH sutam
nIpAtithau maghavan medhyAtithau puSTigau shruSTigau sacA
pArSadvANaH praskaNvaM samasAdayacchayAnaM jivrimuddhitam
sahasrANyasiSAsad gavAM RSistvoto dasyave vRkaH
ya ukthebhirna vindhate cikid ya RSicodanaH
indraM tamachA vada navyasyA matyariSyantaM na bhojase
yasmA arkaM saptashIrSANamAnRcustridhAtumuttame pade
sa tvimA vishvA bhuvanAni cikradadAdijjaniSTa pauMsyam
yo no dAtA vasUnAmindraM taM hUmahe vayam
vidmA hyasya sumatiM navIyasIM gamema gomati vraje
yasmai tvaM vaso dAnAya shikSasi sa rAyas poSamashnute
taM tvA vayaM maghavannindra girvaNaH sutAvanto havAmahe
kadA cana starIrasi nendra sashcasi dAshuSe
upopen nu maghavan bhUya in nu te dAnaM devasya pRcyate
pra yo nanakSe abhyojasA kriviM vadhaiH shuSNaM nighoSayan
yadedastambhIt prathayannamUM divamAdijjaniSTa pArthivaH
yasyAyaM vishva Aryo dAsaH shevadhipA ariH
tirashcidarye rushame parIravi tubhyet so ajyate rayiH
turaNyavo madhumantaM ghRtashcutaM viprAso arkamAnRcuH
asme rayiH paprathe vRSNyaM shavo.asme suvAnAsa indavaH

 



Previous - Next
Table of Contents | Words: Alphabetical - Frequency - Inverse - Length - Statistics | Help | IntraText Library
Best viewed with any browser at 800x600 or 768x1024 on Tablet PC
IntraText® (V89) - Some rights reserved by EuloTech SRL - 1996-2007. Content in this page is licensed under a Creative Commons License