HYMN 67

tyAn nu kSatriyAnava AdityAn yAciSAmahe
sumRLIkAnabhiSTaye
mitro no atyaMhatiM varuNaH parSadaryamA
AdityAso yathA viduH
teSAM hi citramukthyaM varUthamasti dAshuSe
AdityAnAmaraMkRte
mahi vo mahatAmavo varuNa mitrAryaman
avAMsyA vRNImahe
jIvAn no abhi dhetanAdityAsaH purA hathAt
kad dha sthahavanashrutaH
yad vaH shrAntAya sunvate varUthamasti yacchardiH
tenA no adhi vocata
asti devA aMhorurvasti ratnamanAgasaH
AdityA adbhutainasaH
mA naH setuH siSedayaM mahe vRNaktu nas pari
indra id dhi shruto vashI
mA no mRcA ripUNAM vRjinAnAmaviSyavaH
devA abhi pra mRkSata
uta tvAmadite mahyahaM devyupa bruve
sumRLIkAmabhiSTaye
parSi dIne gabhIra Anugraputre jighAMsataH
mAkistokasya no riSat
aneho na uruvraja urUci vi prasartave
kRdhi tokAya jIvase
ye mUrdhAnaH kSitInAmadabdhAsaH svayashasaH
vratA rakSante adruhaH
te na Asno vRkANAmAdityAso mumocata
stenaM baddhamivAdite
apo Su Na iyaM sharurAdityA apa durmatiH
asmadetvajaghnuSI
shashvad dhi vaH sudAnava AdityA Utibhirvayam
purA nUnaM bubhujmahe
shashvantaM hi pracetasaH pratiyantaM cidenasaH
devAH kRNutha jIvase
tat su no navyaM sanyasa AdityA yan mumocati
bandhAd baddhamivAdite
nAsmAkamasti tat tara AdityAso atiSkade
yUyamasmabhyaM mRLata
mA no hetirvivasvata AdityAH kRtrimA sharuH
purA nujaraso vadhIt
vi Su dveSo vyaMhatimAdityAso vi saMhitam
viSvag vi vRhatA rapaH