Table of Contents | Words: Alphabetical - Frequency - Inverse - Length - Statistics | Help | IntraText Library

Rig Veda (Sanskrit)
IntraText CT - Text
  • Book 8
    • HYMN 76
Previous - Next
Click here to hide the links to concordance

HYMN 76


imaM nu mAyinaM huva indramIshAnamojasA
marutvantaMna vRñjase
ayamindro marutsakhA vi vRtrasyAbhinacchiraH
vajreNa shataparvaNA
vAvRdhAno marutsakhendro vi vRtramairayat
sRjan samudriyAapaH
ayaM ha yena vA idaM svarmarutvatA jitam
indreNa somapItaye
marutvantaM RjISiNamojasvantaM virapshinam
indraM gIrbhirhavAmahe
indraM pratnena manmanA marutvantaM havAmahe
asya somasya pItaye
marutvAnindra mIDhvaH pibA somaM shatakrato
asmin yajñepuruSTuta
tubhyedindra marutvate sutAH somAso adrivaH
hRdA hUyanta ukthinaH
pibedindra marutsakhA sutaM somaM diviSTiSu
vajraM shishAna ojasA
uttiSThannojasA saha pItvI shipre avepayaH
somamindracamU sutam
anu tvA rodasI ubhe krakSamANamakRpetAm
indra yad dasyuhAbhavaH
vAcamaSTApadImahaM navasraktiM RtaspRsham
indrAt pari tanvaM mame

 



Previous - Next
Table of Contents | Words: Alphabetical - Frequency - Inverse - Length - Statistics | Help | IntraText Library
Best viewed with any browser at 800x600 or 768x1024 on Tablet PC
IntraText® (V89) - Some rights reserved by EuloTech SRL - 1996-2007. Content in this page is licensed under a Creative Commons License