HYMN 64

vRSA soma dyumAnasi vRSA deva vRSavrataH
vRSA dharmANi dadhiSe
vRSNaste vRSNyaM shavo vRSA vanaM vRSA madaH
satyaM vRSan vRSedasi
ashvo na cakrado vRSA saM gA indo samarvataH
vi no rAye duro vRdhi
asRkSata pra vAjino gavyA somAso ashvayA
shukrAso vIrayAshavaH
shumbhamAnA RtAyubhirmRjyamAnA gabhastyoH
pavante vAreavyaye
te vishvA dAshuSe vasu somA divyAni pArthivA
pavantAmAntarikSyA
pavamAnasya vishvavit pra te sargA asRkSata
sUryasyeva na rashmayaH
ketuM kRNvan divas pari vishvA rUpAbhyarSasi
samudraH soma pinvase
hinvAno vAcamiSyasi pavamAna vidharmaNi
akrAn devo nasUryaH
induH paviSTa cetanaH priyaH kavInAM matI
sRjadashvaM rathIriva
Urmiryaste pavitra A devAvIH paryakSarat
sIdannRtasya yonimA
sa no arSa pavitra A mado yo devavItamaH
indavindrAyapItaye
iSe pavasva dhArayA mRjyamAno manISibhiH
indo rucAbhigA ihi
punAno varivas kRdhyUrjaM janAya girvaNaH
hare sRjAnaAshiram
punAno devavItaya indrasya yAhi niSkRtam
dyutAno vAjibhiryataH
pra hinvAnAsa indavo.achA samudramAshavaH
dhiyA jUtA asRkSata
marmRjAnAsa Ayavo vRthA samudramindavaH
agmannRtasya yonimA
pari No yAhyasmayurvishvA vasUnyojasA
pAhi naH sharma vIravat
mimAti vahniretashaH padaM yujAna RkvabhiH
pra yat samudra AhitaH
A yad yoniM hiraNyayamAshur{R}tasya sIdati
jahAtyapracetasaH
abhi venA anUSateyakSanti pracetasaH
majjantyavicetasaH
indrAyendo marutvate pavasva madhumattamaH
Rtasya yonimAsadam
taM tvA viprA vacovidaH pariS kRNvanti vedhasaH
saM tvA mRjantyAyavaH
rasaM te mitro aryamA pibanti varunaH kave
pavamAnasya marutaH
tvaM soma vipashcitaM punAno vAcamiSyasi
indo sahasrabharNasam
uto sahasrabharNasaM vAcaM soma makhasyuvam
punAna indavA bhara
punAna indaveSAM puruhUta janAnAm
priyaH samudramA visha
davidyutatyA rucA pariSTobhantyA kRpA
somAH shukrA gavAshiraH
hinvAno hetRbhiryata A vAjaM vAjyakramIt
sIdanto vanuSo yathA
Rdhak soma svastaye saMjagmAno divaH kaviH
pavasva sUryodRshe