HYMN 108

pavasva madhumattama indrAya soma kratuvittamo madaH
mahi dyukSatamo madaH
yasya te pItvA vRSabho vRSAyate.asya pItA svarvidaH
sa supraketo abhyakramIdisho.achA vAjaM naitashaH
tvaM hyanga daivyA pavamAna janimAni dyumattamaH
amRtatvAya ghoSayaH
yenA navagvo dadhyannaporNute yena viprAsa Apire
devAnAM sumne amRtasya cAruNo yena shravAMsyAnashuH
eSa sya dhArayA suto.avyo vArebhiH pavate madintamaH
krILannUrmirapAmiva
ya usriyA apyA antarashmano nirgA akRntadojasA
abhivrajaM tatniSe gavyamashvyaM varmIva dhRSNavA ruja
A sotA pari SiñcatAshvaM na stomamapturaM rajasturam
vanaRkSamudaprutam
sahasradhAraM vRSabhaM payovRdhaM priyaM devAya janmane
Rtena ya RtajAto vivAvRdhe rAjA deva RtaM bRhat
abhi dyumnaM bRhad yasha iSas pate didIhi deva devayuH
vikoshaM madhyamaM yuva
A vacyasva sudakSa camvoH suto vishAM vahnirna vishpatiH
vRSTiM divaH pavasva rItimapAM jinvA gaviSTaye dhiyaH
etamu tyaM madacyutaM sahasradhAraM vRSabhaM divo duhuH
vishvA vasUni bibhratam
vRSA vi jajñe janayannamartyaH pratapañ jyotiSA tamaH
sa suSTutaH kavibhirnirNijaM dadhe tridhAtvasya daMsasA
sa sunve yo vasUnAM yo rAyAmAnetA ya iLAnAm
somoyaH sukSitInAm
yasya na indraH pibAd yasya maruto yasya vAryamaNA bhagaH
A yena mitrAvaruNA karAmaha endramavase mahe
indrAya soma pAtave nRbhiryataH svAyudho madintamaH
pavasva madhumattamaH
indrasya hArdi somadhAnamA visha samudramiva sindhavaH
juSTo mitrAya varuNAya vAyave divo viSTambha uttamaH