HYMN 65

agnirindro varuNo mitro aryamA vAyuH pUSA sarasvatIsajoSasaH
AdityA viSNurmarutaH svarbRhat somo rudroaditirbrahmaNas patiH
indrAgnI vRtrahatyeSu satpatI mitho hinvAnA tanvAsamokasA
antarikSaM mahyA paprurojasA somo ghRtashrIrmahimAnamIrayan
teSAM hi mahnA mahatAmanarvaNAM stomAniyarmyRtajñA RtAvRdhAm
ye apsavamarNavaM citrarAdhasasteno rAsantAM mahaye sumitryAH
svarNaramantarikSANi rocanA dyAvAbhUmI pRthivIMskambhurojasA
pRkSA iva mahayantaH surAtayo devAstavante manuSAya sUrayaH
mitrAya shikSa varuNAya dAshuSe yA samrAjA manasA naprayuchataH
yayordhAma dharmaNA rocate bRhad yayorubherodasI nAdhasI vRtau
yA gaurvartaniM paryeti niSkRtaM payo duhAnA vratanIravArataH
sA prabruvANA varuNAya dAshuSe devebhyodAshad dhaviSA vivasvate
divakSaso agnijihvA RtAvRdha Rtasya yoniM vimRshanta Asate
dyAM skabhitvyapa A cakrurojasA yajñaM janitvItanvI ni mAmRjuH
parikSitA pitarA pUrvajAvarI Rtasya yonA kSayataHsamokasA
dyAvApRthivI varuNAya savrate ghRtavat payomahiSAya pinvataH
parjanyAvAtA vRSabhA purISiNendravAyU varuNo mitroaryamA
devAnAdityAnaditiM havAmahe ye pArthivAsodivyAso apsu ye
tvaSTAraM vAyuM Rbhavo ya ohate daivyA hotArA uSasaMsvastaye
bRhaspatiM vRtrakhAdaM sumedhasamindriyaMsomaM dhanasA u Imahe
brahma gAmashvaM janayanta oSadhIrvanaspatIn pRthivImparvatAnapaH
sUryaM divi rohayantaH sudAnava AryAvratA visRjanto adhi kSami
bhujyumaMhasaH pipRtho nirashvinA shyAvaM putraMvadhrimatyA ajinvatam
kamadyuvaM vimadAyohathuryuvaMviSNApvaM vishvakAyAva sRjathaH
pAvIravI tanyaturekapAdajo divo dhartA sindhurApaHsamudriyaH
vishve devAsaH shRNavan vacAMsi me sarasvatIsaha dhIbhiH purandhyA
vishve devAH saha dhIbhiH purandhyA manoryajatrAamRtA RtajñAH
rAtiSAco abhiSAcaH svarvidaH svargiro brahma sUktaM juSerata
devAn vasiSTho amRtAn vavande ye vishvA bhuvanAbhipratasthuH
te no rAsantAmurugAyamadya yUyaM pAtasvastibhiH sadA naH