HYMN 69

bhadrA agnervadhryashvasya sandRsho vAmI praNItiHsuraNA upetayaH
yadIM sumitrA visho agra indhateghRtenAhuto jarate davidyutat
ghRtamagnervadhryashvasya vardhanaM ghRtamannaM ghRtaM vasya medanam
ghRtenAhuta urviyA vi paprathe sUrya ivarocate sarpirAsutiH
yat te manuryadanIkaM sumitraH samIdhe agne tadidaMnavIyaH
sa revacchoca sa giro juSasva sa vAjaM darSisa iha shravo dhAH
yaM tvA pUrvamILito vadhryashvaH samIdhe agne sa idaMjuSasva
sa na stipA uta bhavA tanUpA dAtraM rakSasvayadidaM te asme
bhavA dyumnI vAdhryashvota gopA mA tvA tArIdabhimAtirjanAnAm
shUra iva dhRSNushcyavanaH sumitraH pra nuvocaM vAdhryashvasya nAma
samajryA parvatyA vasUni dAsA vRtrANyAryA jigetha
shUra iva dhRSNushcyavano janAnAM tvamagne pRtanAyUnrabhi SyAH
dIrghatanturbRhadukSAyamagniH sahasrastarIH shatanIthaRbhvA
dyumAn dyumatsu nRbhirmRjyamAnaH sumitreSu dIdayodevayatsu
tve dhenuH sudughA jAtavedo.asashcateva samanA sabardhuk
tvaM nRbhirdakSiNAvadbhiragne sumitrebhiridhyasedevayadbhiH
devAshcit te amRtA jAtavedo mahimAnaM vAdhryashva pra vocan
yat sampRchaM mAnuSIrvisha Ayan tvaM nRbhirajayastvAvRdhebhiH
piteva putramabibharupasthe tvAmagne vadhryashvaH saparyanjuSANo asya samidhaM yaviSThota pUrvAnavanorvrAdhatashcit
shashvadagnirvadhryashvasya shAtrUn nRbhirjigAyasutasomavadbhiH
samanaM cidadahashcitrabhAno.avavrAdhantamabhinad vRdhashcit
ayamagnirvadhryashvasya vRtrahA sanakAt preddhonamasopavAkyaH
sa no ajAmInruta vA vijAmInabhitiSTha shardhato vAdhryashva