HYMN 98

bRhaspate prati me devatAmihi mitro vA yad varuNo vAsipUSA
AdityairvA yad vasubhirmarutvAn sa parjanyaMshantanave vRSAya
A devo dUto ajirashcikitvAn tvad devApe abhi mAmagachat
pratIcInaH prati mAmA vavRtsva dadhAmi te dyumatIMvAcamAsan
asme dhehi dyumatIM vAcamAsan bRhaspate anamIvAmiSirAm
yayA vRSTiM shantanave vanAva divo drapsomadhumAnA vivesha
A no drapsA madhumanto vishantvindra dehyadhirathaMsahasram
ni SIda hotraM RtuthA yajasva devAn devApehaviSA saparya
ArSTiSeNo hotraM RSirniSIdan devApirdevasumatiMcikitvAn
sa uttarasmAdadharaM samudramapo divyA asRjadvarSyA abhi
asmin samudre adhyuttarasminnApo devebhirnivRtA atiSThan
tA adravannArSTiSeNena sRSTA devApinA preSitAmRkSiNISu
yad devApiH shantanave purohito hotrAya vRtaH kRpayannadIdhet
devashrutaM vRSTivaniM rarANo bRhaspatirvAcamasmA ayachat
yaM tvA devApiH shushucAno agna ArSTiSeNo manuSyaHsamIdhe
vishvebhirdevairanumadyamAnaH pra parjanyamIrayA vRSTimantam
tvAM pUrva RSayo gIrbhirAyan tvAmadhvareSu puruhUtavishve
sahasrANyadhirathAnyasme A no yajñaMrohidashvopa yAhi
etAnyagne navatirnava tve AhutAnyadhirathA sahasra
tebhirvardhasva tanvaH shUra pUrvIrdivo no vRSTimiSitorirIhi
etAnyagne navatiM sahasrA saM pra yacha vRSNa indrAyabhAgam
vidvAn patha Rtusho devayAnAnapyaulAnaM divideveSu dhehi
agne bAdhasva vi mRdho vi durgahApAmIvAmaparakSAMsi sedha
asmAt samudrAd bRhato divo no.apAmbhUmAnamupa naH sRjeha