HYMN 46

eSo uSA apUrvya vyuchati priyA divaH
stuSe vAmashvinA bRhat
yA dasrA sindhumAtarA manotarA rayINAm
dhiyA devA vasuvidA
vacyante vAM kakuhAso jUrNAyAmadhi viSTapi
yad vAMratho vibhiS patAt
haviSA jAro apAM piparti papurirnarA
pitA kuTasya carSaNiH
AdAro vAM matInAM nAsatyA matavacasA
pAtaM somasya dhRSNuyA
yA naH pIparadashvinA jyotiSmatI tamastiraH
tAmasme rAsAthAmiSam
A no nAvA matInAM yAtaM pArAya gantave
yuñjAthAmashvinA ratham
aritraM vAM divas pRthu tIrthe sindhUnAM rathaH
dhiyA yuyujra indavaH
divas kaNvAsa indavo vasu sindhUnAM pade
svaM vavriM kuha dhitsathaH
abhUdu bhA u aMshave hiraNyaM prati sUryaH
vyakhyajjihvayAsitaH
abhUdu pArametave panthA Rtaysa sAdhuyA
adarshi vi srutirdivaH
tat\-tadidashvinoravo jaritA prati bhUSati
made somasyapipratoH
vAvasAnA vivasvati somasya pItyA girA
manuSvacchambhUA gatam
yuvoruSA anu shriyaM parijmanorupAcarat
RtA vanatho aktubhiH
ubhA pibatamashvinobhA naH sharma yachatam
avidriyAbhirUtibhiH