HYMN 80

itthA hi soma in made brahmA cakAra vardhanam
shaviSTha vajrinnojasA pRthivyA niH shashA ahimarcannanu svarAjyam
sa tvAmadad vRSA madaH somaH shyenAbhRtaH sutaH
yenAvRtraM niradbhyo jaghantha vajrinnojasArcann...
prehyabhIhi dhRSNuhi na te vajro ni yaMsate
indra nRmNaM hi te shavo hano vRtraM jayA apo.arcann...
nirindra bhUmyA adhi vRtraM jaghantha nirdivaH
sRjA marutvatIrava jIvadhanyA imA apo.arcann...
indro vRtrasya dodhataH sAnuM vajreNa hILitaH
abhikramyAva jighnate.apaH sarmAya codayannarcann...
adhi sAnau ni jighnate vajreNa shataparvaNA
mandAna indro andhasaH sakhibhyo gAtumichatyarcann...
indra tubhyamidadrivo.anuttaM vajrin vIryam
yad dha tyammAyinaM mRgaM tamu tvaM mAyayAvadhIrarcann...
vi te vajrAso asthiran navatiM nAvyA anu
mahat ta indra vIryaM bAhvoste balaM hitamarcann...
sahasraM sAkamarcata pari STobhata viMshatiH
shatainamanvanonavurindrAya brahmodyatamarcann...
indro vRtrasya taviSIM nirahan sahasA sahaH
mahat tadasya pauMsyaM vRtraM jaghanvAnasRjadarcann...
ime cit tava manyave vepete bhiyasA mahI
yadindra vajrinnojasA vRtraM marutvAnavadhIrarcann...
na vepasA na tanyatendraM vRtro vi bIbhayat
abhyenaM vajra AyasaH sahasrabhRSTirAyatArcann...
yad vRtraM tava cashaniM vajreNa samayodhayaH
ahimindrajighAMsato divi te badbadhe shavo.arcann...
abhiSTane te adrivo yat sthA jagacca rejate
tvaSTA cit tava manyava indra vevijyate bhiyArcann...
nahi nu yAdadhImasIndraM ko vIryA paraH
tasmin nRmNamuta kratuM devA ojAMsi saM dadhurarcann...
yamatharva manuS pitA dadhyaM dhiyamatnata
tasmin brahmANi purvathendra ukthA samagmatArcann...