HYMN 110

tataM me apastadu tAyate punaH svAdiSThA dhItirucathAya shasyate
ayaM samudra iha vishvadevyaH svAhAkRtasya samu tRpNuta RbhavaH
AbhogayaM pra yadichanta aitanApAkAH prAñco mama ke cidApayaH
saudhanvanAsashcaritasya bhUmanAgachata saviturdAshuSo gRham
tat savitA vo.amRtatvAmAsuvadagohyaM yacchravayanta aitana
tyaM ciccamasamasurasya bhakSaNamekaM santamakRNutA caturvayam
viSTvI shamI taraNitvena vAghato martAsaH santo amRtatvamAnashuH
saudhanvanA RbhavaH sUracakSasaH saMvatsare samapRcyanta dhItibhiH
kSetramiva vi mamustejanenamekaM pAtraM Rbhavo jehamAnam
upastutA upamaM nAdhamAnA amartyeSu shrava ichamAnAH
A manISAmantarikSasya nRbhyaH sruceva ghRtaM juhavAma vidmanA
taraNitvA ye piturasya sashcira Rbhavo vAjamaruhan divo rajaH
Rbhurna indraH shavasA navIyAn RbhurvAjebhirvasubhirvasurdadiH
yuSmAkaM devA avasAhani priye.abhi tiSThemapRtsutIrasunvatAm
nishcarmaNa Rbhavo gAmapiMshata saM vatsenAsRjatA mAtaraM punaH
saudhanvanAsaH svapasyayA naro jivrI yuvAnA pitarAkRNotana
vAjebhirno vAjasAtAvaviDDhy RbhumAnindra citramA darSi rAdhaH
tan no ...