HYMN 116

nAsatyAbhyAM barhiriva pra vRñje stomAniyarmyabhriyeva vAtaH
yAvarbhagAya vimadAya jAyAM senAjuvA nyUhatUrathena
vILupatmabhirAshuhemabhirvA devAnAM vA jUtibhiH shAshadAnA
tad rAsabho nAsatyA sahasramAjA yamasya pradhane jigAya
tugro ha bhujyumashvinodameghe rayiM na kashcin mamRvAnavAhAH
tamUhathurnaubhirAtmanvatIbhirantarikSaprudbhirapodakAbhiH
tisraH kSapastrirahAtivrajadbhirnAsatyA bhujyumUhathuH pataMgaiH
samudrasya dhanvannArdrasya pAre tribhI rathaiH shatapadbhiH SaLashvaiH
anArambhaNe tadavIrayethAmanAsthAne agrabhaNe samudre
yadashvinA UhathurbhujyumastaM shatAritrAM nAvamAtasthivAMsam
yamashvinA dadathuH shvetamashvamaghAshvAya shashvaditsvasti
tad vAM dAtraM mahi kIrtenyaM bhUt paidvo vAjIsadamid dhavyo aryaH
yuvaM narA stuvate pajriyAya kakSIvate aradataM purandhim
kArotarAcchaphAdashvasya vRSNaH shataM kumbhAnasiñcataM surAyAH
himenAgniM ghraMsamavArayethAM pitumatImUrjamasmA adhattam
RbIse atrimashvinAvanItamun ninyathuH sarvagaNaM svasti
parAvataM nAsatyAnudethAmuccAbudhnaM cakrathurjihmabAram
kSarannApo na pAyanAya rAye sahasrAya tRSyate gotamasya
jujuruSo nAsatyota vavriM prAmuñcataM drApimiva cyavAnAt
prAtirataM jahitasyAyurdasrAdit patimakRNutaM kanInAm
tad vAM narA shaMsyaM rAdhyaM cAbhiSTiman nAsatyA varUtham
yad vidvAMsA nidhimivApagULhamud darshatAdUpathurvandanAya
tad vAM narA sanaye daMsa ugramAviS kRNomi tanyaturnavRSTim
dadhyaM ha yan madhvAtharvaNo vAmashvasya shIrSNA pra yadImuvAca
ajohavIn nAsatyA karA vAM mahe yAman purubhujA purandhiH
shrutaM tacchAsuriva vadhrimatyA hiraNyahastamashvinAvadattam
Asno vRkasya vartikAmabhIke yuvaM narA nAsatyAmumuktam
uto kaviM purubhujA yuvaM ha kRpamANamakRNutaM vicakSe
caritraM hi verivAchedi parNamAjA khelasya paritakmyAyAm
sadyo jaN^ghAmAyasIM vishpalAyai dhane hite sartavepratyadhattam
shataM meSAn vRkye cakSadAnaM RjrAshvaM taM pitAndhaMcakAra
tasmA akSI nAsatyA vicakSa AdhattaM dasrA bhiSajAvanarvan
A vAM rathaM duhitA sUryasya kArSmevAtiSThadarvatAjayantI
vishve devA anvamanyata hRdbhiH samu shriyA nAsatyA sacethe
yadayAtaM divodAsAya vartirbharadvAjAyAshvinA hayantA
revaduvAha sacano ratho vAM vRSabhashca shiMshumArashca yuktA
rayiM sukSatraM svapatyamAyuH suvIryaM nAsatyA vahantA
A jahnAvIM samanasopa vAjaistrirahno bhAgaM dadhatImayAtam
pariviSTaM jAhuSaM vishvataH sIM sugebhirnaktamUhathU rajobhiH
vibhindunA nAsatyA rathena vi parvatAnajarayU ayAtam
ekasyA vastorAvataM raNAya vashamashvinA sanaye sahasrA
nirahataM duchunA indravantA pRthushravaso vRSaNAvarAtIH
sharasya cidArcatkasyAvatAdA nIcAduccA cakrathuH pAtave vAH
shayave cin nAsatyA shacIbhirjasuraye staryaM pipyathurgAm
avasyate stuvate kRSNiyAya RjUyate nAsatyA shacIbhiH
pashuM na naSTamiva darshanAya viSNApvaM dadathurvishvakAya
dasha rAtrIrashivenA nava dyUnavanaddhaM shnathitamapsvantaH
viprutaM rebhamudani pravRktamun ninyathuH somamiva sruveNa
pra vAM daMsAMsyashvinAvavocamasya patiH syAM sugavaH suvIraH
uta pashyannashnuvan dIrghamAyurastamivejjarimANaM jagamyAm