HYMN 168

yajñA\-yajñA vaH samanA tuturvaNirdhiyaM\-dhiyaM vo devayA u dadhidhve
A vo.arvAcaH suvitAya rodasyormahe vavRtyAmavase suvRktibhiH
vavrAso na ye svajAH svatavasa iSaM svarabhijAyanta dhUtayaH
sahasriyAso apAM normaya AsA gAvo vandyAso nokSaNaH
somAso na ye sutAstRptAMshavo hRtsu pItAso duvaso nAsate
aiSAmaMseSu rambhiNIva rArabhe hasteSu khAdishcakRtishca saM dadhe
ava svayuktA diva A vRthA yayuramartyAH kashayA codata tmanA
areNavastuvijAtA acucyavurdRLhAni cin maruto bhrAjadRSTayaH
ko vo.antarmaruta RSTividyuto rejati tmanA hanveva jihvayA
dhanvacyuta iSAM na yAmani purupraiSA ahanyo naitashaH
kva svidasya rajaso mahas paraM kvAvaraM maruto yasminnAyaya
yaccyAvayatha vithureva saMhitaM vyadriNA patatha tveSamarNavam
sAtirna vo.amavatI svarvatI tveSA vipAkA marutaH pipiSvatI
bhadrA vo rAtiH pRNato na dakSiNA pRthujrayI asuryeva jañjatI
prati STobhanti sindhavaH pavibhyo yadabhriyAM vAcamudIrayanti
ava smayanta vidyutaH pRthivyAM yadI ghRtaM marutaH pruSNuvanti
asUta pRshnirmahate raNAya tveSamayAsAM marutAmanIkam
te sapsarAso.ajanayantAbhvamAdit svadhAmiSirAM paryapashyan
eSa va stomo ...