HYMN 180

yuvo rajAMsi suyamAso ashvA ratho yad vAM paryarNAMsidiyat
hiraNyayA vAM pavayah pruSAyan madhvaH pibantA uSasaH sacethe
yuvamatyasyAva nakSatho yad vipatmano naryasya prayajyoH
svasA yad vAM vishvagUrtI bharAti vAjAyeTTe madhupAviSe ca
yuvaM paya usriyAyAmadhattaM pakvamAmAyAmava pUrvyaMgoH
antaryad vanino vAM RtapsU hvAro na shuciryajate haviSmAn
yuvaM ha gharmaM madhumantamatraye.apo na kSodo.avRNItameSe
tad vAM narAvashvinA pashvaiSTI rathyeva cakrA prati yanti madhvaH
A vAM dAnAya vavRtIya dasrA goroheNa taugryo na jivriH
apaH kSoNI sacate mAhinA vAM jUrNo vAmakSuraMhaso yajatrA
ni yad yuvethe niyutaH sudAnU upa svadhAbhiH sRjathaH purandhim
preSad veSad vAto na sUrirA mahe dade suvratona vAjam
vayaM cid dhi vAM jaritAraH satyA vipanyAmahe vi paNirhitAvAn
adhA cid dhi SmAshvinAvanindyA pAtho hi SmAvRSaNAvantidevam
yuvaM cid dhi SmAshvinAvanu dyUn virudrasya prasravaNasyasAtau
agastyo narAM nRSu prashastaH kArAdhunIva citayat sahasraiH
pra yad vahethe mahinA rathasya pra syandrA yAtho manuSo na hotA
dhattaM sUribhya uta va svashvyaM nAsatya rayiSAcaH syAma
taM vAM rathaM vayamadyA huvema stomairashvinA suvitAyanavyam
ariSTanemiM pari dyAmiyAnaM vi...