HYMN 181

kadu preSTAviSAM rayINAmadhvaryantA yadunninIthoapAm
ayaM vAM yajño akRta prashastiM vasudhitI avitArA janAnAm
A vAmashvAsaH shucayaH payaspA vAtaraMhaso divyAso atyAH
manojuvo vRSaNo vItapRSThA eha svarAjo ashvinAvahantu
A vAM ratho.avanirna pravatvAn sRpravandhuraH suvitAya gamyAH
vRSNa sthAtArA manaso javIyAnahampUrvo yajatodhiSNyA yaH
iheha jAtA samavAvashItAmarepasA tanvA nAmabhiH svaiH
jiSNurvAmanyaH sumakhasya sUrirdivo anyaH subhagaH putra Uhe
pra vAM niceruH kakuho vashAnanu pishaN^garUpaH sadanAni gamyAH
harI anyasya pIpayanta vAjairmathrA rajAMsyashvinA vi ghoSaiH
pra vAM sharadvAn vRSabho na niSSAT pUrvIriSashcarati madhva iSNan
evairanyasya pIpayanta vAjairveSantIrUrdhvA nadyo na AguH
asarji vAM sthavirA vedhasA gIrbALhe ashvinA tredhA kSarantI
upastutAvavataM nAdhamAnaM yAmannayAmañchRNutaM havaM me
uta syA vAM rushato vapsaso gIstribarhiSi sadasi pinvatenR^In
vRSA vAM megho vRSaNA pIpAya gorna seke manuSodashasyan
yuvAM pUSevAshvinA purandhiragnimuSAM na jarate haviSmAn
huve yad vAM varivasyA gRNAno vi...