HYMN 4

huve vaH sudyotmAnaM suvRktiM vishAmagnimatithiM suprayasam
mitra iva yo didhiSAyyo bhUd deva Adeve jane jAtavedAH
imaM vidhanto apAM sadhasthe dvitAdadhurbhRgavo vikSvAyoH
eSa vishvAnyabhyastu bhUmA devAnAmagniraratirjIrAshvaH
agniM devAso mAnuSISu vikSu priyaM dhuH kSeSyanto namitram
sa dIdayadushatIrUrmyA A dakSAyyo yo dAsvate dama A
asya raNvA svasyeva puSTiH sandRSTirasya hiyAnasya dakSoH
vi yo bharibhradoSadhISu jihvAmatyo na rathyo dodhavIti vArAn
A yan me abhvaM vanadaH panantoshigbhyo nAmimIta varNam
sa citreNa cikite raMsu bhAsA jujurvAn yo muhurA yuvA bhUt
A yo vanA tAtRSANo na bhAti vArNa pathA rathyevasvAnIt
kRSNAdhvA tapU raNvashciketa dyauriva smayamAno nabhobhiH
sa yo vyasthAdabhi dakSadurvIM pashurnaiti svayuragopAH
agniH shociSmAnatasAnyuSNan kRSNavyathirasvadayan na bhUma
nU te pUrvasyAvaso adhItau tRtIye vidathe manma shaMsi
asme agne saMyadvIraM bRhantaM kSumantaM vAjaM svapatyaMrayiM dAH
tvayA yathA gRtsamadAso agne guhA vanvanta uparAnabhi SyuH
suvIrAso abhimAtiSAhaH smat sUribhyo gRNate tad vayo dhAH