HYMN 16

vi pAjasA pRthunA shoshucAno bAdhasva dviSo rakSaso amIvAH
susharmaNo bRhataH sharmaNi syAmagnerahaM suhavasya praNItau
tvaM no asyA uSaso vyuSTau tvaM sUra udite bodhi gopAH
janmeva nityaM tanayaM juSasva stomaM me agne tanvA sujAta
tvaM nRcakSA vRSabhAnu pUrvIH kRSNAsvagne aruSo vibhAhi
vaso neSi ca parSi cAtyaMhaH kRdhI no rAya ushijo yaviSTha
aSALho agne vRSabho didIhi puro vishvAH saubhagA saMjigIvAn
yajñasya netA prathamasya pAyorjAtavedo bRhataH supraNIte
achidrA sharma jaritaH purUNi devAnachA dIdyAnaH sumedhAH
ratho na sasnirabhi vakSi vAjama>gne tvaM rodasInaH sumeke
pra pIpaya vRSabha jinva vAjAnagne tvaM rodasI naH sudoghe
devebhirdeva surucA rucAno mA no martasya durmatiH pari SThAt
iLAmagne ...