HYMN 50
ya Anayat parAvataH sunItI turvashaM yadum
indraH sano yuvA sakhA
avipre cid vayo dadhadanAshunA cidarvatA
indro jetA hitaM dhanam
mahIrasya praNItayaH pUrvIruta prashastayaH
nAsya kSIyanta UtayaH
sakhAyo brahmavAhase.arcata pra ca gAyata
sa hi naH pramatirmahI
tvamekasya vRtrahannavitA dvayorasi
utedRshe yathA vayam
nayasId vati dviSaH kRNoSyukthashaMsinaH
nRbhiH suvIra ucyase
brahmANaM brahmavAhasaM gIrbhiH sakhAyaM Rgmiyam
gAMna dohase huve
yasya vishvAni hastayorUcurvasUni ni dvitA
vIrasya pRtanASahaH
vi dRLhAni cidadrivo janAnAM shacIpate
vRha mAyA anAnata
tamu tvA satya somapA indra vAjAnAM pate
ahUmahi shravasyavaH
tamu tvA yaH purAsitha yo vA nUnaM hite dhane
havyaHsa shrudhI havam
dhIbhirarvadbhirarvato vAjAnindra shravAyyAn
tvayA jeSma hitaM dhanam
abhUru vIra girvaNo mahAnindra dhane hite
bhare vitantasAyyaH
yA ta Utiramitrahan makSUjavastamAsati
tayA no hinuhI ratham
sa rathena rathItamo.asmAkenAbhiyugvanA
jeSi jiSNo hitaM dhanam
ya eka it tamu STuhi kRSTInAM vicarSaNiH
patirjajñe vRSakratuH
yo gRNatAmidAsithApirUtI shivaH sakhA
sa tvaMna indra mRLaya
dhiSva vajraM gabhastyo rakSohatyAya vajrivaH
sAsahISThA abhi spRdhaH
pratnaM rayINAM yujaM sakhAyaM kIricodanam
brahmavAhastamaM huve
sa hi vishvAni pArthivAneko vasUni patyate
girvaNastamo adhriguH
sa no niyudbhirA pRNa kAmaM vAjebhirashvibhiH
gomadbhirgopate dhRSat
tad vo gAya sute sacA puruhUtAya satvane
shaM yad gave
na shAkine
na ghA vasurni yamate dAnaM vAjasya gomataH
yat sImupa shravad giraH
kuvitsasya pra hi vrajaM gomantaM dasyuhA gamat
shacIbhirapa no varat
imA u tvA shatakrato.abhi pra NonuvurgiraH
indra vatsaMna mAtaraH
dUNAshaM sakhyaM tava gaurasi vIra gavyate
ashvo ashvAyate bhava
sa mandasvA hyandhaso ...
imA u tvA sute\-sute nakSante girvaNo giraH
vatsaM gAvona dhenavaH
purUtamaM purUNAM stotR^INAM vivAci
vAjebhirvAjayatAm
asmAkamindra bhUtu te stomo vAhiSTho antamaH
asmAn rAye mahe hinu
adhi bRbuH paNInAM varSiSThe mUrdhannasthAt
uruH kakSo na gAN^gyaH
yasya vAyoriva dravad bhadrA rAtiH sahasriNI
sadyo dAnAya maMhate
tat su no vishve arya A sadA gRNanti kAravaH
bRbuM sahasradAtamaM sUriM sahasrasAtamam
|