HYMN 68

iyamadadAd rabhasaM RNacyutaM divodAsaM vadhryashvAya dAshuSe
yA shashvantamAcakhAdAvasaM paNiM tA te dAtrANi taviSA sarasvati
iyaM shuSmebhirbisakhA ivArujat sAnu girINAM taviSebhirUrmibhiH
pArAvataghnImavase suvRktibhiH sarasvatImA vivAsema dhItibhiH
sarasvati devanido ni barhaya prajAM vishvasya bRsayasya mAyinaH
uta kSitibhyo.avanIravindo viSamebhyo asravo vAjinIvati
pra No devI sarasvatI vAjebhirvAjinIvatI
dhInAmavitryavatu
yastvA devi sarasvatyupabrUte dhane hite
indraM na vRtratUrye
tvaM devi sarasvatyavA vAjeSu vAjini
radA pUSeva naHsanim
uta syA naH sarasvatI ghorA hiraNyavartaniH
vRtraghnI vaSTi suSTutim
yasyA ananto ahrutastveSashcariSNurarNavaH
amashcarati roruvat
sA no vishvA ati dviSaH svasR^IranyA RtAvarI
atannaheva sUryaH
uta naH priyA priyAsu saptasvasA sujuSTA
sarasvatI stomyA bhUt
ApapruSI pArthivAnyuru rajo antarikSam
sarasvatI nidas pAtu
triSadhasthA saptadhAtuH pañca jAtA vardhayantI
vAje\-vAje havyA bhUt
pra yA mahimnA mahinAsu cekite dyumnebhiranyA apasAmapastamA
ratha iva bRhatI vibhvane kRtopastutyA cikituSA sarasvatI
sarasvatyabhi no neSi vasyo mApa spharIH payasA mA na Adhak
juSasva naH sakhyA veshyA ca mA tvat kSetrANyaraNAni ganma