HYMN 83

yuvAM narA pashyamAnAsa ApyaM prAcA gavyantaH pRthuparshavo yayuH
dAsA ca vRtrA hatamAryANi ca sudAsamindrAvaruNAvasAvatam
yatrA naraH samayante kRtadhvajo yasminnAjA bhavati kiMcana priyam
yatrA bhayante bhuvanA svardRshastatrA na indrAvaruNAdhi vocatam
saM bhUmyA antA dhvasirA adRkSatendrAvaruNA divi ghoSaAruhat
asthurjanAnAmupa mAmarAtayo.arvAgavasA havanashrutA gatam
indrAvaruNA vadhanAbhiraprati bhedaM vanvantA pra sudAsamAvatam
brahmANyeSAM shRNutaM havImani satyA tRtsUnAmabhavat purohitiH
indrAvaruNAvabhyA tapanti mAghAnyaryo vanuSAmarAtayaH
yuvaM hi vasva ubhayasya rAjatho.adha smA no.avataM pArye divi
yuvAM havanta ubhayAsa AjiSvindraM ca vasvo varuNaM casAtaye
yatra rAjabhirdashabhirnibAdhitaM pra sudAsamAvataM tRtsubhiH saha
dasha rAjAnaH samitA ayajyavaH sudAsamindrAvaruNA na yuyudhuH
satyA nRNAmadmasadAmupastutirdevA eSAmabhavan devahUtiSu
dAsharAjñe pariyattAya vishvataH sudAsa indrAvaruNAvashikSatam
shvityañco yatra namasA kapardino dhiyA dhIvanto asapanta tRtsavaH
vRtrANyanyaH samitheSu jighnate vratAnyanyo abhi rakSate sadA
havAmahe vAM vRSaNA suvRktibhirasme indrAvaruNaA sharma yachatam
asme indro varuNo mitro ...