HYMN 73

udIrAthAM RtAyate yuñjAthAmashvinA ratham
anti SadbhUtu vAmavaH
nimiSashcijjavIyasA rathenA yAtamashvinA
anti Sad .. .
upa stRNItamatraye himena gharmamashvinA
anti Sad ...
kuha sthaH kuha jagmathuH kuha shyeneva petathuH
anti Sad...
yadadya karhi karhi cicchushrUyAtamimaM havam
anti Sad ...
ashvinA yAmahUtamA nediSThaM yAmyApyam
anti Sad ...
avantamatraye gRhaM kRNutaM yuvamashvinA
anti Sad ...
varethe agnimAtapo vadate valgvatraye
a=nti Sad ...
pra saptavadhrirAshasA dhArAmagnerashAyata
anti Sad...
ihA gataM vRSaNvasU shRNutaM ma imaM havam
anti Sad .. .
kimidaM vAM purANavajjaratoriva shasyate
anti Sad ...
samAnaM vAM sajAtyaM samAno bandhurashvinA
anti Sad...
yo vAM rajAMsyashvinA ratho viyAti rodasI
anti Sad . ..
A no gavyebhirashvyaiH sahasrairupa gachatam
anti Sad .. .
mA no gavyebhirashvyaiH sahasrebhirati khyatam
anti Sad...
aruNapsuruSA abhUdakarjyotir{R}tAvarI
anti Sad ...
ashvinA su vicAkashad vRkSaM parashumAniva
anti Sad ...
puraM na dhRSNavA ruja kRSNayA bAdhito vishA
anti Sad ...