HYMN 80

nahyanyaM baLAkaraM marDitAraM shatakrato
tvaM na indra mRLaya
yo naH shashvat purAvithAmRdhro vAjasAtaye
sa tvaM na indra mRLaya
kimaN^ga radhracodanaH sunvAnasyAvitedasi
kuvit svindraNaH shakaH
indra pra No rathamava pashcAccit santamadrivaH
purastAdenaM me kRdhi
hanto nu kimAsase prathamaM no rathaM kRdhi
upamaM vAjayu shravaH
avA no vAjayuM rathaM sukaraM te kimit pari
asmAn sujigyuSas kRdhi
indra dRhyasva pUrasi bhadrA ta eti niSkRtam
iyaM dhIr{R}tviyAvatI
mA sImavadya A bhAgurvI kASThA hitaM dhanam
apAvRktA aratnayaH
turIyaM nAma yajñiyaM yadA karastadushmasi
Adit patirna ohase
avIvRdhad vo amRtA amandIdekadyUrdevA uta yAshca devIH
tasmA u rAdhaH kRNuta praSastaM prAtarmakSU dhiyAvasurjagamyAt